Blåtur uti skoddehavet

Her reiser Espen og Silgraingjengen på blåtur ut i skoddehavet ein stad??
Håpar skoddelosen frå Kvelve(GA) er med, for dette ser noko tåkete ut.
Men synet tek vel til å bli tåkete før kvelden er omme likevel. Men GOD TUR.

Regntung dag

På ein slik tung regnfyllt dag, passar det vel godt at halve utsikta mi mot mot sentrum er dekka av grøne tunellar. Her må det tydelegvis ryddast.Men idag er det ikkje så nøye med. Slentrar rundt i heimen aleine. Thor Kristian er på Norway Cup og bles i dommarfløyta si. Idag skal han dømme nokre brasilianske gutar som er kjende for sitt lynne. Får no krysse fingarane.Stine er i Førde. Espen på jobb og så skal han på blåtur i dette "veret". Gledar seg sånn passe. SÅ her styrer eg skuta og kosar meg, gjer litt no og då. Tv og data for meg sjølv. Idag er det finalen i Ungkaren som eg får nyte utan kommentarar. Litt scrapppingplanar har eg og. Så let it rain, no pain.

Ferien slutt

Så kom vi heim då etter 4 veker i sjampingvogna. For å seie det sånn så skal ungane våre vere glad at dei var milevis frå oss. For her var det slett ikkje rydda slik mor ville ha det etter 4 veker ferie. Etter 2 timar fann vi igjen kjøkenet, så har vi funne rom for rom etter kvart. UNGAR LES DE DETTE: så skam dykk. Det skulle vore teke bilde men eg fann ut at eg ville spare dykk for det. Dette var ikkje bra for stressa binyer. Godt eg startar veka med to dagar avspasering. Men ellers får de ha ein fin kveld frå oss to heime her i nr 48

Feriemodus

Nokon kjøper stolputer etter fargene på teltet og gardinene, men denna gangen passa dei jammen meg bilen og. Flaks, å slapp vi å kjøpe ny bil. Elles er det siste veka av ferien. Det er merkjeleg kor fort desse vekene går. Idag er det sol og regn som sloss om plassen på himmelen. Det blir vel regnet som vinn. Men veret kan vi diverre gjere lite med, vis slappar av og kosar oss for det.

Arbeidslyst

Er det Gloppelukta som gir er slik energi? Den nye trappa må i alle fall behandlast.

Oppskrift?????? (Mest til Berit)

Ja, så kom regnet og det var på tide å ta fram spøtet att. No har eg leita heile vogna etter oppskrifta, men den er og blir vekke. Den ligg nok i bosset ein eller annan stad i Norge eller Sverige. Så her sit eg med ein halvferdig gensar. Har nokon ute i verda denn oppskrifta frå Gjesdal. Fargane stemmer ikkje. Der eg har mørk grå skal vere raud. Her skal og vere eit glidelås. Fargane elles er svart, kvit og grå(grønt og lilla har eg dikta sjølv).

Krigføring

Arbeidsfordelinga er som vanleg, gutta i krigen og damene tek seg av solnedgangen.
Motivet er begynt å bli oppbrukt, men fann nokre nye blomar.

Modelloppdrag for Landmann gassgriller

Vi er tilbake i "Gløppa"

Svenskemat...

Den kjende solnedgangen.

Svelgenklubben, finn 1 feil?

Rastepause

Jammen fekk vi lov å sleppe ut i sola. Endå den ikkje var lagt inn på Tom Tomen.

Overnatting på Mjøsa ferie og fritidssenter

Det var solnedgang her og ser de.

Plassen var i startfasen og noko dårleg planert.

Gutta vart noko imonert av den elektroniske dotømminga. Kanskje denne gjer jobben meir spennande???

Vi er på veg mot Moderlandet.

Rastepause der Tom Tom gutta fekk leike seg litt. Den gode gamle "kartlesarkjerringa" i framsetet "GO HOME".

Siste kveld i Sweden

Siste kvelden var vi på Sjøkanten restaurant(campingplassen sin) og åt middag. Der havna vi opp i ein "stand upp sangarkonsert". Et ukjend navn for oss men svenskane humra og lo. Som de ser var det store gutters øl, men ned gjekk det. Klar,ferdig------ ferdig

Tur til La(med tøddel)kø slott.

Idag er nettverket så håplaust at eg legg berre inn eit bilde. Opplysningar om slottet får de leite opp sjølve. Det ligg omlag 22 km frå Lidkøping. Stort og digert var det.

Idag har vi hatt regn på morgonen, men no skin sola og det er 20 gr igjen. I morgon reiser vi mot Norje igjen. Reiseruta er under planlegging.

Slik går dagane

Jepp, ein ny dag med sol i sweden, men ein kraftige "vende" frå sør(trur eg). Retningar er ikkje mi sterke side seier Espen, og eg er villeg til å tru på det. I dag var vi i handelmodus, og skulle ta handletoget til byn. Rea skilt over alt, men varer som dei hadde i Norje i fjor på salg freistar ikkje. Det vart såleis lite posar. Men ein fin tur på byn. Stig kom over noko "belleg" golfutstyr. Han tenkjer å starte med det oppe på Eide. Gu hjelpe meg seier no vi. Kan få bruk for det tenking er noko skummelt.

Meld dykk som caddy. Han har bagar ser de.

Jente/Dameturnering i Golf

Minigolfanlegget måtte no prøvast. Det vart Sunnfjord mot Sunnmøre, med to representantar til sistnemde. Stilen kan vel ingen klage på. Berre to fattige poeng gav seier til Møre. Taparen måtte spandere drikke. Men så kom to "kjenningar" med gode naser for øl, så brått vart vi fire med bordet.

Endå ein front

Jau då. "att i veia" kom Løseten sin front opp og. Glade og nøgde kan de sjå

Det gode liv i Sverige

God morgen eller dag?. Dagen starta godt med sol og varmt. Espen fekk draumefrukosten sin med 1 pk med bacon og 2 speilegg. NB: Steikt ute i det fri, eg vil ikkje ha "den" griselukta inne i vogna! Ut på dagen trua det med "åska" les torden og det kom med noko regn attåt. Vi var ein tur å Husvagn Svensson AB . Der kjøpte vi front til markisa, noko som var heilt naudsynt då regnet kom omlag 1/2 m inn i teltet på grunn av ny patent. Her har det nok vore ugler i mosen og tenkt pengar når dei har laga desse nye. Men no har det vi det tørt og fint, med side og frontvegg. "Jettekult" . Hej då

"Vi er hobbysvenskar"

På ein fin dag med sol og 21 grader kom vi til Lidkøping. Her er det smekkfullt på campingen, men våre gode venner frå Møre hadde reservert ein plass til oss, og takk for det!!!!!!!Elles kunne det lett bli ei natt i bushen igjen.Her kan de sjå frå leiren vår. Naboar der og her. Ja, ja det går veldig greit(trur vi?)Vi sender ei helsing til familie og anna slekt og vener. Vi har det fint. Hej då!!

Villmarkscamping

Etter 8 t på landevegen måtte vi jammen villcampe. Vi fann ikkje in einaste høveleg campingplass før sola gjekk ned. Vi kryssa derfor svinesundbrua, med tanke på å stille oss i utkanten ved Nordberg kjøpesenter. Fint og lyst var der, men brått stod ein securitas bil ved sida vår.: " Her får ni inte stå og campa ", Truleg ein nyudanna sjetunge etter vår meinig. Uskuldige som nokre lam sa vi: nei det har vi ikkje tenkt heller, vi skulle berre sjekke om Mc Donalds var open . Det var berre å fortsetje vidare, etter ca 10 fann vi ein rasteplass der fleire hadde teke natt. Der stod vi. Eg var ikkje høg i hatten, med alle mine fantasiar om alt som kunne skje. Vei plyndring med meir.... Vi vakna med livet i behald, og alle våre eigenlutar inntakte.

"Hallo i moderlandet"

Det tok si tid før det kom ein vetig campingplass med ope nettverk. Eller grunnen er egentleg at de skulle få tid til å sakne oss?Først lyt vi vise bilete frå vår provisoriske fjellcamp på Stynefjellet. 9 grader og regn 900 moh går vel akkurat utan straum.

Hytta er Knut og Sissel si, dvs jubilantane og grunnen til at vi var på Grotli.Bilde frå festen blir ikkje lagt ut her.

Helsing frå Dønfoss.

Hallo folks and andre.Vi stod opp fleire timar enn vanleg idag, og kom oss opp kyrastien frå Geiranger. Det var venta inn 4 cruiseskip idag, vi såg høve til å stikke av før vi vart overmanna. Det var lite trafikk så det vart en fin tur over fjellet. Vi stogga på Grotli hotell der mannjen min spanderte frukostbuffe i høve bursdagen. Kva skal dette ende, (middag, kake, kvelds, etc? ) Vi har no funne oss ein fin plass på Dønfoss. Det vert fram og tilbake sidan vi skal tilbake til Grotli på 120 års bursdagsfest i mårå. Men her møtte vi ei bygd fri for regn (enn så lenge)(Og internett), slik at vi kan oppdatere reiseruta vår for andre nyskjerrige. Sender med nokre bilete slik at de ikkje gløymer oss. Klems frå AM og E

Ny rapport frå Geiranger.

Ja her vart vi verande som de ser.Meininga var å køyre over til Lom i kveld,men no utset vi det til i mårå kveld. Det har ikkje vore så gale regn før NO (kl 1800)No ausar det ned frå sky att. Ka gale har vi gjort? Vi har luffa kring i Geiranger saman med omlag 5000 andre som er her og. Butikkane er fulle av troll og anna snadder som er tiltenkt turistar og ikkje trauste nordmenn som vi. Båtrafikken var ikkje så stor, Adriane og hutigruta som de ser. Vi hadde elles visit av fam frå Mo som skulle køyre over til Grotli. JA, JA kjem dei over så gjer vi det og. Då blir neste rapport, når vi kjem på nett neste gang. Regnleg helsing frå Geiranger. AM og E

Rapport frå Geiranger

Vi køyrde frå Åndalsnes via Linge/Eidsdalen, og ned Ørnesvingane. La det vere sagt, vi har prøvd det og lar det bli med det. Men det var ei fantastisk utsikt som de ser på første bilete. Det lukta svidd kløtsj og pynteknottar. Men vi kom ned og fann oss plass på Geiranger Camping, vi fekk opp den nyinnkjøpte markisa på 440. Elles var vi omlag 3 cm frå å kjøpe ny vogn. Ei Belcanto Nordic 700. Tilbodet var meir enn godt. Graabergen sat til slutt i bilen og tilbydde oss både tv eller anna vi hadde lyst på. Fornuften seira og vi forlot Åndalsnes med vår Knaus 580 Royale i behold. Det siste bilete er av Cruisebåten Costa Atlantica som låg her når vi kom.